top of page

İdarə Heyəti

Cavid ƏHMƏDBƏYLİ

İdarə Heyətinin prezidenti

Cavid Əhmədbəyli 2000-2013-ci illərdə İstanbul şəhərində Yeditepe Universitetində təhsil alıb. 2005-ci ildə Yeditepe Universitetinin stomatologiya fakültəsini bitirdiktən sonra həmin universitetin Səhiyyə Elmləri İnstitutunda doktoranturaya daxil olub. Yeditepe Universitetində Avropa Parodontologiya Federasiyası tərəfindən akkreditə olunmuş parodontologiya üzrə rezidentura proqramını bitirərək 2011-ci ildə Federasiyanın Parodontologiya və İmplantologiya üzrə ixtisaslaşmış mütəxəssis diplomunu alıb. 2012-ci ildə Yeditepe Universitetinin parodontologiya kafedrasında «İncə biotipli çoxsaylı diş əti çəkilmələrin taca istiqamətlənmiş dilimlə təkbaşına və ya hüceyrəsiz dermal matrisa membranı ilə birlikdə cərrahi müalicəsi» mövzusunda dissertasiyanı müdafiə edərək Parodontologiya ixtisası üzrə doktorantura proqramını bitirib, Parodontologiya üzrə Fəlsəfə Doktoru (PhD in Periodontology) elmi dərəcəsini alıb. 2013-cü ildə Türkiyə Respublikası Səhiyyə Nazriliyi tərəfindən Parodontologiya ixtisası üzrə uzmanlıq diplomu verilib. Azərbaycan Respublikası Səhiyyə Nazirliyi tərəfindən 2009-cu ildə Stomatologiya ixtisası, 2020-ci ildə Parodontologiya ixtisası üzrə tibb fəaliyyəti ilə məşğul olmağa buraxılması barədə şəhadətnamələr verilib. 2016-cı ildə Azərbaycan Respublikasının Prezidenti yanında Ali Attestasiya Komissiyasının qərarı ilə Tibb üzrə Fəlsəfə Doktoru elmi dərəcəsini alıb.

2009-ci ildən 2021-ci ilə qədər 5A Dent klinikasında həkim-stomatoloq və uzman parodontoloq, 2022-ci ildən hal-hazıradək Estetik Diş klinikasında uzman parodontoloq olaraq fəaliyyət göstərir

2015-2018-ci illərdə Əziz Əliyev adına Azərbaycan Dövlət Həkimləri Təkmilləşdirmə İnstitutunun Stomatologiya və üz-çənə cərrahiyyəsi kafedrasının assistenti olub, 2018-ci ildən hal-hazıradək kafedranın dosentidir. Tibb üzrə Elmlər Doktoru alimlik dərəcəsini almaq üçün planlaşdırılmış dissertasiya üzrə “İmplant ətrafı toxumaların iltihabi xəstəliklərinin profilaktika və müalicə tədbirlərinin təkmilləşdirilməsi” mövzusu Əziz Əliyev adına Azərbaycan Dövlət Həkimləri Təkmilləşdirmə İnstitutunun Elmi Şurası tərəfindən 2017-ci ildə təsdiq olunub, hazırda tədqiqatlar Azərbaycan Tibb Universiteti və İstanbul Altınbaş universiteti ilə birqə yerinə yetirilir. Dişlər & implantlar ətrafında diş əti xəstəliklərinin qeyri-cərrahi müalicəsində antimikrob və probiotik vasitələrinin tədbiqi; reqenerativ və estetik plastik parodontoloji cərrahiyyəsi üzrə tədqiqatları yerli və beynəlxalq elmi konfranslarda təqdim olunub və nüfuzlu jurnallarda nəşr olunub. 70-ə qədər elmi əsərin və Parodontologiya adlı tədris vəsaitinin müəllifidir.

Azərbaycan Respublikası Səhiyyə Nazirliyinin 2018-ci ildən hal-hazıradək Stomatologiya ixtisasıüzrə yekun attestasiya komissiyasının və 2021-ci ildən hal-hazıradək Sertifikasiya Komissiyanın Parodontologiya ixtisası üzrə işçi qrupunun üzvüdür. 2019-cu ildə ölkəmizdə Parodontologiya ixtisasısın Azərbaycan Respublikası Nazirlər Kabineti tərəfindən rəsmi tanınmasında və 2021-ci ildə Ali tibb təhsil pilləsinin dövlət standartı rezidentura səviyyəsi üzrə Parodontologiya (060944) ixtisasının təhsil proqramının tərtib olunmasında fəal iştirak etmişdir.

2012-ci ildə Azərbaycan Parodontologiya Cəmiyyətini təsis etmişdir və hazırda həmin təşkilatın İdarə Heyətinin prezidentidir. 2017-2019-cu illərdə Avropa Parodontologiya Federasiyasında Azərbaycan Parodontologiya Cəmiyyətinin nümayəndəsi olub. 2017-ci ildə İspanyanın Santiago De Compostela şəhərində keçirilən Avropa Parodontologiya Federasiyasının Baş Assambleyasında Azərbaycan Parodontologiya Cəmiyyətini təmsil etmişdir və bu tədbirdə Cəmiyyətin Federasiyanın assosiativ üzvü seçilməsinə nail olmuşdur.2013-cü, 2016-cı və 2018-ci illərdə Bakı şəhərində Azərbaycan Parodontologiya Cəmiyyəti tərəfindən təşkil olunan, Azərbaycan Respublikası Səhiyyə Nazirliyinin və Avropa Parodontologiya Federasiyasının dəstəyi ilə keçirilən EstePerio Beynəlxalq Parodontologiya və Estetik Stomatologiya Kongresslərinin Təşkilat Komitəsinin sədri olub. 2017-ci ildə Avropa Parodontologiya Federasiyasının və Azərbaycan Parodontologiya Cəmiyyətinin təşəbbüsü, Azərbaycan Respublikası Səhiyyə Nazirliyinin dəstəyi ilə keçirilən 12 May Beynəlxalq Diş Əti Sağlamlığı Günü üzrə Azərbaycanın Milli Koordinatoru olub. Avropa Parodontologiya Federasiyası tərəfindən akkreditə olunmuş parodontologiya üzrə rezidentura proqramınının ilk Azərbaycanlı məzunu (EFP Alumni) olaraq 2018-ci ildə Niderlandın paytaxtı Amsterdam şəhərində Avropa Parodontologiya Federasiyasının təşkilatcılığı ilə keçirilən EuroPerio9 beynəlxalq parodontologiya konfransının PerioTalks sessiyasında “Life experience changing national periodontology vision” mövzusunda məruzə ilə cıxış etmişdir və 2021-ci ildə Federasiyanın nəşri olan Perio Life jurnalının 2-ci sayısında “Multidisciplinary or specialist practice?” müsahibə vermişdir. Parodont və peri-implant xəstəliklərinin yeni beynəlxalq təsnifatı; parodont xəstəlikləri-şəkərli diabet (Perio&Diabet), diş əti xəstəlikləri-dişlərin kariyesi (Perio&Caries), diş əti xəstəlikləri-ürək və damar xəstəlikləri (Perio&Cardio), ağız boşluğu sağlamlığı və hamiləlik (Oral Health&Pregnancy) kimi Avropa Parodontologiya Federasiyasının beynəlxalq maarifləndirmə kampaniyalarının Azərbaycan dilində tərtib edilməsi üzrə işçi qrupunun rəhbəri olub. 2022-ci ildə Avstriyanın Viyana şəhərində keçirilən Avropa Parodontologiya Federasiyasının Baş Assambleyasında Azərbaycan Parodontologiya Cəmiyyətini təmsil etmişdir və bu tədbirdə Cəmiyyətin Federasiyanın tamhüquqlu üzvü kimi seçilməsinə nail oluşdur. Azərbaycan Müstəqil Dövlətlər Birliyinə daxil olan ölkələr arasında Avropa Parodontologiya Federasiyasının sıralarına tamhüquqlu üzv olarak qoşulan ilk Avropa ölkəsi olmuşdur. 2023-cü ildən Azərbaycan Parodontologiya Cəmiyyəti tərəfindən keçirilən və Azərbaycan Respublikası Səhiyyə Nazirliyi tərəfindən Davamlı Tibbi Təhsil üzrə akkreditasiya olunan diş əti xəstəliklərinin diaqnostikası, qeyri-cərrahi və cərrahi müalicəsi üzrə 1 illik davamlı tibbi təhsil programı Perio Master Parodontologiya Kurikulumunun mühazirəçisi və elmi rəhbəridir. 2023-cü ildə Avropa Parodontologiya Federasiyasın Danimarkanın Helsingor şəhərindəki Baş AssambleyasındaFederasiyaya üzv olan 37 ölkənin gizli səsverməsi nəticəsində Federasiyanın 2026-cı ilin 6-7 mart tarixlərində 1000-dən çox mütəxəssisin iştirakı nəzərdə tutulan növbəti “Perio Master Clinic” beynəlxalq parodontologiya konfransının Azərbaycanda Bakı Konqres Mərkəzində keçirilməsinə nail oluşdur. Bu nüfuzlu tədbirin təşkilat komitəsi sədrliyi Cavid Əhmədbəyli’yə, elmi komitənin sədri vəzifəsi isə İspaniyanın Madrid Komplutense Universitetinin professoru Mariano Sanz’a həvalə edilmişdir.

Azərbaycan Parodontologiya Cəmiyyətinin (PERIOAZ), Türkiyə Parodontologiya Cəmiyyətinin (TPD), Avropa Parodontologiya Federasiyasının (EFP), Beynəlxalq Parodontologiya Akademiyasının (IAP), Beynəlxalq Implantoloqlar Birliyinin (ITI), Stomatoloji Tədqiqatlar Beynəlxalq Akademiyasının (IADR) fəal üzvüdür. Azərbaycan, türk, ingilis və  rus dillərini sərbəst bilir.

Aslan MƏMMƏDOV

İdarə Heyətinin vitse-prezidenti

Avropa Parodontologiya Federasiyasında Cəmiyyətin Nümayəndəsi

Aslan Məmmədov 2001-ci ildə Azərbaycan Tibb Universitetinin stomatologiya fakultəsini bitirmişdir. 2004-ci ildə Almaniyanin Erlangen-Nurenberg universitetinin klinikasinda operativ stomatologiya və parodontologiya şöbəsində rezidentura proqramını bitirmişdir. 2006-ci ildə Hamburg Eppendorf Universitetinin Mərkəzi Klinikasinda oral implantologiya üzrə curriculum keçmişdir. 2007-2010-ci illər ərzində Almaniyada Münxen IPI institunun parodontologiya  üzrə  ixtisaslaşma programını bitirmişdir. 2011-2013-ci illərdə Almaniyanida Frankfurt şəhərində W.Goethe Universitetində 2 illik təhsildən sonra, oral implantologiya  üzrə «Master of Science» (MSc) elmi ixtisas dərəcəsini almışdır. 2013-2015-ci illər ərzində  Avstriyada Vena Tibb Universitetinin Parodontologiya kafedrasinda elmi araşdırmalar və parodontologiya ixtisasi üzrə  təhsilini davam etdirməkdədir və 2014-ci ildə həmin universitetdə Avstriya Parodontologiya Cəmiyyətinin Mütəxəsis sertifikatını almışdır. 2015-ci ildə tibb üzrə fəlsəfə doktoru (PhD) elmi dərəcəsini almışdır. Azərbaycan Tibb Universitetinin ortopedik stomatologiya kafedrasının assistentidir. 2016-2018-ci illərdə ABŞ-ın Sietl şəhərindəki Kois Mərkəzinin davamlı stomatoloji təhsil proqramını bitirmişdir.

2015-ci ildən Azərbaycan Parodontologiya Cəmiyyətininin İdarə Heyətinin üzvü və vitse-prezidentidir. 2019-cü ildən hal-hazıradək Avropa Parodontologiya Federasiyasında Azərbaycan Parodontologiya Cəmiyyətinin nümayəndə heyətinin rəhbəridir. 2016-cı və 2018-ci illərdə Bakı şəhərində Azərbaycan Parodontologiya Cəmiyyəti tərəfindən təşkil olunan EstePerio Beynəlxalq Parodontologiya və Estetik Stomatologiya Kongresslərinin Təşkilat Komitəsinin üzvü olub. 2018-ci ildə Avropa Parodontologiya Federasiyasının təşəbbüsü ilə keçirilən 12 May Beynəlxalq Diş Əti Sağlamlığı Günü üzrə Azərbaycanın Milli Koordinatoru olub. Parodont və peri-implant xəstəliklərinin yeni beynəlxalq təsnifatının Azərbaycan dilində tərtib edilməsi üzrə işçi qrupunun üzvü olub. 2022-ci ildə Avstriyanın Viyana şəhərində Azərbaycan Parodontologiya Cəmiyyətinin Avropa Parodontologiya Federasiyasının tamhüquqlu üzvü kimi qəbul edildiyi Baş Assambleyada Cəmiyyəti təmsil etmişdir. 2023-cü ildən Azərbaycan Parodontologiya Cəmiyyəti tərəfindən keçirilən və Azərbaycan Respublikası Səhiyyə Nazirliyi tərəfindən Davamlı Tibbi Təhsil üzrə akkreditasiya olunan diş əti xəstəliklərinin diaqnostikası, qeyri-cərrahi və cərrahi müalicəsi üzrə 1 illik davamlı tibbi təhsil programı Perio Master Parodontologiya Kurikulumunun mühazirəçisidir.

Azərbaycan Parodontologiya Cəmiyyətinin (PERIOAZ), Avropa Parodontologiya Federasiyasının (EFP), Almaniya Parodontologiya Cəmiyyətinin (DGParo), Avstriya Parodontologiya Cəmiyyətinin (OeGP), Amerika Parodontologiya Akademiyasinin (APP), Almaniya Dental Implantologiya Assosiasiyasınin (DCZI) və Beynəlxalq Implantologlar Birliyinin (ITI) fəal üzvüdür. Azərbaycan, rus, ingilis və alman dillərini sərbəst bilir.

Rövşən MƏMMƏDOV

İdarə Heyətinin vitse-prezidenti

Rövşən Məmmədov 2002-ci ildə Azərbaycan Tibb Universitetinin stomatologiya fakultəsini bitirmişdir. 2012-ci ildə Ankara şəhərində IDEA-nın (İnterdisiplinar Dişhekimliği Eğitim Akademisi) Parodontologiya üzrə 4 moduldan ibarət təkmilləşdirmə kursunu bitirmişdir. Bakıdaki Dental Club stomatoloji klinikasının təsisçisidir və 2004-ci ildən həmin klinikada parodontologiya və implantologiya sahəsi üzrə həkim-stomatoloq olaraq fəaliyyət göstərir. 

2017-ci ildən Azərbaycan Parodontologiya Cəmiyyətininin İdarə Heyətinin üzvüdür, 2018-ci ildə Cəmiyyətin Baş Katibi, 2019-ci ildən hal-hazıradək İdarə Heyətinin vitse-prezidentidir. 2016-cı və 2018-ci illərdə Bakı şəhərində Azərbaycan Parodontologiya Cəmiyyəti tərəfindən təşkil olunan EstePerio Beynəlxalq Parodontologiya və Estetik Stomatologiya Kongresslərinin Təşkilat Komitəsinin üzvü olub. 2020-ci ildə Avropa Parodontologiya Federasiyasının təşəbbüsü ilə keçirilən 12 May Beynəlxalq Diş Əti Sağlamlığı Günü üzrə Azərbaycanın Milli Koordinatoru olub.  Avropa Parodontologiya Federasiyasının təşkilatçılığı ilə 2018-ci ildə Amsterdam şəhərində EuroPerio9 və 2022-ci ildə Kopenhagen şəhərində keçirilən beynəlxalq parodontologiya konfranslarında Azərbaycan Parodontologiya Cəmiyyətinin nümayəndəsi olub (EuroPerio Ambassador). Parodont və peri-implant xəstəliklərinin yeni beynəlxalq təsnifatı və parodont xəstəlikləri-şəkərli diabet (Perio&Diabet) maarifləndirmə kampanyasının Azərbaycan dilində tərtib edilməsi üzrə işçi qrupunun üzvü olub. 2023-cü ildən Azərbaycan Parodontologiya Cəmiyyəti tərəfindən keçirilən və Azərbaycan Respublikası Səhiyyə Nazirliyi tərəfindən Davamlı Tibbi Təhsil üzrə akkreditasiya olunan diş əti xəstəliklərinin diaqnostikası, qeyri-cərrahi və cərrahi müalicəsi üzrə 1 illik davamlı tibbi təhsil programı Perio Master Parodontologiya Kurikulumunun mühazirəçisidir.

Azərbaycan Parodontologiya Cəmiyyətinin (PERIOAZ), Azərbaycan İmplantoloqlar Cəmiyyətinin (AZİİB), Avropa Parodontologiya Federasiyasının (EFP), Italiya Parodontologiya və İmplantologiya Cəmiyəttinin (SİDP), Beynəlxalq Implantoloqlar Birliyinin (ITI) fəal üzvüdür. Azərbaycan, rus, ingilis və alman dillərini sərbəst bilir.

Hənifə MUSAYEVA

İdarə Heyətinin vitse-prezidenti

Layihələr koordinatoru

Hənifə Musayeva 1996-ci ildə İstanbul Universitetinin Stomatologiya fakultəsini bitirmişdir. 2015-ci ildə Frankfurt şəhərində Goethe Universitetində Parodontologiya & İmplantologiya üzrə 1 illik təkmilləşdirmə kursunu bitirmiştir. 2018-ci ildə tibb üzrə fəlsəfə doktoru (PhD) elmi dərəcəsini almışdır. 2009-cu ildən hal-hazıradək Azərbaycan Tibb Universitetinin ortopedik stomatologiya kafedrasının assistentidir. Tibb üzrə Elmlər Doktoru alimlik dərəcəsini almaq üçün planlaşdırılmış dissertasiya üzrə mövzusu Azərbaycan Tibb Universitetinin Elmi Şurası tərəfindən 2021-ci ildə təsdiq olunub.

2019-ci ildən ildən hal-hazıradək Azərbaycan Parodontologiya Cəmiyyətininin İdarə Heyətinin üzvüdür, 2020-ci ildən hal-hazıradək İdarə Heyətinin vitse-prezidenti və layihələr koordinatorudur. 2021-ci ildə Avropa Parodontologiya Federasiyasının təşəbbüsü ilə keçirilən 12 May Beynəlxalq Diş Əti Sağlamlığı Günü üzrə Azərbaycanın Milli Koordinatoru olub. Diş əti xəstəlikləri-dişlərin kariyesi (Perio&Caries), parodont xəstəlikləri-şəkərli diabet (Perio&Diabet), ağız boşluğu sağlamlığı və hamiləlik (Oral Health&Pregnancy) və diş əti xəstəlikləri-ürək və damar xəstəlikləri (Perio&Cardio) kimi maarifləndirmə kampanyalarının Azərbaycan dilində tərtib edilməsi üzrə işçi qrupunun üzvü olub. 2023-cü ildən Azərbaycan Parodontologiya Cəmiyyəti tərəfindən keçirilən və Azərbaycan Respublikası Səhiyyə Nazirliyi tərəfindən Davamlı Tibbi Təhsil üzrə akkreditasiya olunan diş əti xəstəliklərinin diaqnostikası, qeyri-cərrahi və cərrahi müalicəsi üzrə 1 illik davamlı tibbi təhsil programı Perio Master Parodontologiya Kurikulumunun mühazirəçisidir.

Azərbaycan Parodontologiya Cəmiyyətinin (PERIOAZ), Türkiyə Parodontologiya Cəmiyyətinin (TPD) və Avropa Parodontologiya Federasiyasının (EFP) fəal üzvüdür. Azərbaycan, türk və ingilis dillərini sərbəst bilir.

IMG_9639.JPG

Vəfa XANMƏMMƏDOVA

Baş Katib

Sosial Media koordinatoru

12 May Diş əti Sağlamlığı Günü koordinatoru

Vəfa Xanməmmədova 2017-ci ildə Azərbaycan Tibb Universitetinin stomatologiya fakultəsində ali təhsil alıb. 2020-ci ildə həmin universitetin Stomatologiya ixtisası üzrə rezidenturanı bitirmişdir. Azərbaycan Parodontologiya Cəmiyyətininin 2018-ci ildən hal-hazıradək İdarə Heyətinin üzvüdür və Sosial Media koordinatorudur, 2019-ci ildən hal-hazıradək İdarə Heyətinin Baş katibidir. Bakı şəhərində 2018-ci il Azərbaycan Parodontologiya Cəmiyyəti tərəfindən təşkil olunan EstePerio Beynəlxalq Parodontologiya və Estetik Stomatologiya Kongressinin Təşkilat Komitəsinin üzvü olub. Parodont və peri-implant xəstəliklərinin yeni beynəlxalq təsnifatının və ağız boşluğu sağlamlığı və hamiləlik (Oral Health&Pregnancy) maarifləndirmə kampanyasının Azərbaycan dilində tərtib edilməsi üzrə işçi qrupunun üzvü olub. 2023-ci ildə Avropa Parodontologiya Federasiyasının təşəbbüsü ilə keçiriləçək 12 May Beynəlxalq Diş Əti Sağlamlığı Günü üzrə Azərbaycanın Milli Koordinatorudur. 2023-cü ildən Azərbaycan Parodontologiya Cəmiyyəti tərəfindən keçirilən və Azərbaycan Respublikası Səhiyyə Nazirliyi tərəfindən Davamlı Tibbi Təhsil üzrə akkreditasiya olunan diş əti xəstəliklərinin diaqnostikası, qeyri-cərrahi və cərrahi müalicəsi üzrə 1 illik davamlı tibbi təhsil programı Perio Master Parodontologiya Kurikulumunun mühazirəçisidir. Azərbaycan Parodontologiya Cəmiyyətinin (PERIOAZ) və Avropa Parodontologiya Federasiyasının (EFP) fəal üzvüdür. Azərbaycan, rus və ingilis dillərini sərbəst bilir.

Leyla Bəkirova

Leyla BƏKİROVA

İdarə Heyətinin üzvü

Tədbirlər koordinatoru

Leyla Bəkirova 2011-ci ildə M.Seçenov adına Moskva Dövlət Tibb və Stomatologiya Universitetinin stomatologiya fakultəsini bitirmişdir. 2012-2013-cü illərdə həmin Universitetin nəzdində internatura kursu keçmişdir. 2013-2014-cü illərdə Moskva şəhərində Mərkəzi Stomatologiya və Üz-cənə cərrahiyəsi Elmi-Tədqiqat İnstitutunun Parоdontologiya şöbəsində təcrübə kursu keçmişdir, 2014-cü ildə həmin İnstitutda ordinaturaya daxil olmuşdur. 2015-2018-ci illərdə Azərbaycan Tibb Universitetinin Ortopedik stomatologiya kafedrasında baş laborant, 2018-ci ildən hal-hazıradək kafedranın assistenti vəzifəsində çalışır. 2011-ci ildə Curaden Academy iTOP Level 1 & Level 2, 2016-ci ildə iTOP Teacher təlimlərində iştirak edərək rəsmi iTOP təlimçi statusunu əldə etmişdir. Swiss Dental Academiyasının Guided Biofilm Therapy (GBT) üzrə sertifikasiya keçmiş təlimçisidir. 2021-ci ildən hal-hazıradək Azərbaycan Parodontologiya Cəmiyyətininin İdarə Heyətinin üzvüdür. 2022-ci ildə Avropa Parodontologiya Federasiyasının təşəbbüsü ilə keçirilən 12 May Beynəlxalq Diş Əti Sağlamlığı Günü üzrə Azərbaycanın Milli Koordinatoru olub. 2023-cü ildən Azərbaycan Parodontologiya Cəmiyyəti tərəfindən keçirilən və Azərbaycan Respublikası Səhiyyə Nazirliyi tərəfindən Davamlı Tibbi Təhsil üzrə akkreditasiya olunan diş əti xəstəliklərinin diaqnostikası, qeyri-cərrahi və cərrahi müalicəsi üzrə 1 illik davamlı tibbi təhsil programı Perio Master Parodontologiya Kurikulumunun mühazirəçisidir. Azərbaycan Parodontologiya Cəmiyyətininin (PERIOAZ), Avropa Parodontologiya Federasiyasının (EFP), Rusiya Parodontologiya Assosiasiyasının (RPA) fəal üzvüdür. Azərbaycan, rus və ingilis dillərini sərbəst bilir.

Nərgiz ƏLİYEVA

İdarə Heyətinin üzvü

EuroPerio11 Konqresində Azərbaycan Nümayəndəsi

Nərgiz Əliyeva 2008-ci ildə Moskva Dövlət Tibbi-Stomatoloji Universitetinin, stomatologiya fakültəsini fərqlənmə diplomu ilə bitirmişdir. 2011-ci ildə həmin universitetin Rekonstruktiv cərrahi stomatologiya fakultəsində rezidenturanı bitirmişdir. İtaliyanın Turin Universitetində Avropa Parodontologiya Federasiyası tərəfindən akkreditə olunmuş parodontologiya üzrə rezidentura proqramını bitirərək 2023-ci ildə parodontologiya ixtisası üzrə “Master of Science in Periodontology” elmi dərəcəsini və Federasiyanın Parodontologiya və İmplantologiya üzrə ixtisaslaşmış mütəxəssis diplomunu almışdır. 2023-ci ildən hal-hazıradək Azərbaycan Parodontologiya Cəmiyyətininin İdarə Heyətinin üzvüdür. 2023-cü ildən Azərbaycan Parodontologiya Cəmiyyəti tərəfindən keçirilən və Azərbaycan Respublikası Səhiyyə Nazirliyi tərəfindən Davamlı Tibbi Təhsil üzrə akkreditasiya olunan diş əti xəstəliklərinin diaqnostikası, qeyri-cərrahi və cərrahi müalicəsi üzrə 1 illik davamlı tibbi təhsil programı Perio Master Parodontologiya Kurikulumunun mühazirəçisidir. Avropa Parodontologiya Federasiyasının təşkilatçılığı ilə 2025-ci ildə Vyana şəhərində keçiriləcək EuroPerio11 beynəlxalq parodontologiya konfransında Azərbaycan Parodontologiya Cəmiyyətinin nümayəndəsidir (EuroPerio Ambassador). Azərbaycan Parodontologiya Cəmiyyətinin (PERIOAZ), Avropa Parodontologiya Federasiyasının (EFP), Italiya Parodontologiya və İmplantologiya Cəmiyyətinin (SIDP) üzvüdür. Azərbaycan, ingilis, italyan, türk və rus dillərini sərbəst bilir.

bottom of page