12 May Diş Əti Sağlamlığı Günü

 

Diş əti xəstəlikləri müalicə edilmədiyi halda dişlərin və implantların itkisinə səbəb olaraq insanlarda düzgün qidalanma çətinliyi, nitq qüsuru, özünə inamın azalması və həyat keyfiyyətinin aşağı düşməsi ilə nəticələnən qeyri-yoluxucu xroniki iltihabi xəstəliklərdir. Baxmayaraq ki, diş əti xəstəlikləri ilə ürək-damar xəstəlikləri, şəkərli diabet, xroniki böyrək çatışmazlığı, hamiləlik ağırlaşmaları, revmatoid artrit, Alzheimer xəstəliyi, erektil disfunksiya, xərçəngin bəzi növləri və Covid-19-un fəsadlarının ağırlaşmasına səbəb ola biləcəyini təsdiq edən müxtəlif elmi tədqiqatlar mövcuddur, diş əti xəstəliyi ictimaiyyət tərəfindən hələ də az tanınır. Bu səbəblə, diş əti xəstəliklərinin profilaktikası və effektiv müalicəsi təkcə ağız boşluğu sağlamlığı üçün deyil, bütün orqanizm üçün böyük əhəmiyyət kəsb edir.

 

Ölkəmizdə 12 may 2022-ci il tarixində Avropa Parodontologiya Federasiyasının təşəbbüsü, Azərbaycan Parodontologiya Cəmiyyətinin təşkilatçılığı və Azərbaycan Respublikası Səhiyyə Nazirliyinin dəstəyi ilə “Diş ətinizi müalicə edin” şüarı altında Beynəlxalq Diş Əti Sağlamlığı Günü kimi qeyd olunur. Bu günün məqsədi gingivit, parodontit, peri-implant mukozit və peri-implantit kimi diş əti xəstəliklərinin həm ağız boşluğunda, həm də ümumi sağlamlığa zərərli təsirləri, bu kimi xəstəliklərinin qarşısının alınması, erkən aşkarlanması və müalicəsinin vacibliyi haqqında ictimai məlumatlılığınartırılmasıdır.

 

2022-ci ildə Diş əti Sağlamlığı Gününün əsas yenilikləri Avropa Parodontologiya Federasiyası saytında Federasiya tərəfindən nəşr olunan diş əti xəstəliklərinin müalicəsi üzrə EFP Clinical Practice Guidelines yeni beynəlxalq klinik rəhbərliklərin həkimlərə əlçatan olması və xüsusi hazırlanmış Gum Health Day Campaign Builder programı vasitəsi ilə həkimlər və ictimaiyyət tərəfindən bir sıra qrafik şablonların və Azərbaycan dilində ifadələr əsasında şəxsi logoları da əlavə edərək bu günə həsr olunmuş maarifləndirmə posterlərinin fərdi qaydada tərtib edərək paylaşma imkanıdır.Həmçinin, Avropa Parodontologiya Federasiyası Diş Əti Sağlamlığı Günü çərçivəsində ölkəmizdə fəaliyyət göstərən parodontoloqları, stomatoloqları, elmi tədqiqatçıları və diğər tibb mütəxəssislərini Federasiyanın diş əti xəstəliklərinin qarşısının alınması, erkən aşkarlanması və müalicəsi üzrə beynəlxalq fəaliyyətə çağırış haqqında EFP Manifesto: Perio and General Health Bəyannaməsinin imzalanmasını ilə indiyə qədər bu sənədi dəstəkləyən 1200-dən çox mütəxəssisə, tibb mərkəzlərinə, şirkətlərə, təhsil qurumlarını və ictimai səhiyyə təşkilatlarına qoşulmağa dəvət edir.

 

Ölkəmizdə bu gün ilə əlaqədar olaraq Ə.Əliyev adına Azərbaycan Dövlət Həkimləri Təkmilləşdirmə İnstitutunda və Azərbaycan Tibb Universitetində seminarlar, klinikalarda ödənişsiz diş əti müayinə günləri və Azərbaycan dilində tərtib olunan maarifləndirmə posterlərinin Azərbaycan Parodontologiya Cəmiyyətinin  rəsmi saytında və sosial şəbəkələrində paylaşılması kimi müxtəlif tədbirlər həyata keçirilir. 12 may tarixində Ə.Əliyev adına Azərbaycan Dövlət Həkimləri Təkmilləşdirmə İnstitutunda keçirilən seminarda Davamlı Tibbi Təhsil kurslarında iştirak edən həkim-stomatoloqlara və rezidentlərə İnstitutun Stomatologiya və üz-çənə cərrahiyyəsi kafedrasının dosenti, tibb üzrə fəlsəfə doktoru, Azərbaycan Parodontologiya Cəmiyyətinin prezidenti Cavid Əhmədbəyli tərəfindən “Diş əti sağlamlığı, diş əti xəstəliklərinin müasir diaqnostikası və müalicəsi” mövzusunda  məruzələr oxundu. Azərbaycan Tibb Universitetinin Ortopedik stomatologiya kafedrasının assistenti,  Azərbaycan Parodontologıya Cəmiyyətinin İdarə Heyətinin üzvü, Diş Əti Sağlamlığı Günü Milli koordinatoru Leyla Bəkirova tərəfindən “Diş əti xəstəliklərinin qeyri-cərrahi müalicəsi və fərdi ağız boşluğu gigiyenasının maarifləndirilməsi” mövzusunda universitetin stomatologiya ixtisası üzrə təhsil alan tələbə və rezidentlərin üçün, GlaxoSmithKline və Curaprox şirkətlərinin təşkilatı dəstəyi ilə, bu günə həsr olunmuş seminar və praktik kurs keçirildi.

  

https://www.perio.az/disetisaglamligigunu

https://www.efp.org/gum-disease-general-health/gum-health-day/

Diş Əti Sağlamlığı Günü 1
Diş Əti Sağlamlığı Günü 3
Diş Əti Sağlamlığı Günü 2
Diş Əti Sağlamlığı Günü 2022

Şəkillər

12 May Diş Əti Sağlamlığı Günü
12 May Diş Əti Sağlamlığı Günü
press to zoom
12 May Diş Əti Sağlamlığı Günü
12 May Diş Əti Sağlamlığı Günü
press to zoom
12 May Diş Əti Sağlamlığı Günü
12 May Diş Əti Sağlamlığı Günü
press to zoom
12 May Diş Əti Sağlamlığı Günü
12 May Diş Əti Sağlamlığı Günü
press to zoom
12 May Diş Əti Sağlamlığı Günü5
12 May Diş Əti Sağlamlığı Günü5
press to zoom
12 May Diş Əti Sağlamlığı Günü
12 May Diş Əti Sağlamlığı Günü
press to zoom
12 May Diş Əti Sağlamlığı Günü
12 May Diş Əti Sağlamlığı Günü
press to zoom
12 May Diş Əti Sağlamlığı Günü
12 May Diş Əti Sağlamlığı Günü
press to zoom
12 May Diş Əti Sağlamlığı Günü
12 May Diş Əti Sağlamlığı Günü
press to zoom

Xəbərlər

Xəbərlər səhifəsinə keçmək üçün şəklin üzərinə klikləyin.

Twitter GHD22.png
ADHTI GHD22.png
Azertac GHD22